Cicero, Lucullus (XML Header) [genre: prose; philosophy] [word count] [lemma count] [Cic. Luc.]. | ||
<<Cic. Luc. 28 | Cic. Luc. 30 () | >>Cic. Luc. 32 |
29Antiochus ad istum locum pressius videbatur accedere . quoniam enim id haberent Academici
decretum (sentitis enim iam hoc me δόγμα dicere ),
nihil posse percipi , non debere eos in suo decreto
sicut in ceteris rebus fluctuari , [Note] praesertim cum in eo
summa consisteret : hanc enim esse regulam totius
philosophiae , constitutionem veri falsi ; cogniti incogniti ;
quam rationem quoniam susciperent docereque vellent
quae visa [Note] accipi oporteret quae repudiari , certe hoc
ipsum , ex quo [Note] omne veri falsique iudicium esset ,
percipere eos debuisse ; etenim duo esse haec maxima
in philosophia , iudicium veri et finem bonorum , nec
sapientem posse esse qui aut cognoscendi esse [Note] initium
ignoret aut extremum expetendi , ut aut unde proficiscatur aut quo perveniendum sit nesciat ;haecautem
habere dubia nec is ita confidere ut moveri non possint
abhorrere a sapientia plurimum . hoc igitur modo
potius erat ab his postulandum ut hoc unum saltem ,
-- -- Sequitur disputatio copiosa illa quidem sed paulo
abstrusior — habet enim aliquantum a physicis , ut
verear ne maiorem largiar ei [Note] qui contra dicturus
est libertatem et licentiam ; nam quid eum facturum
putem de abditis rebus et obscuris , qui lucem eripere
conetur ? — sed disputari poterat subtiliter quanto
quasi artificio natura fabricata esset primum animal
omne deinde hominem maxime , quae vis esset in
sensibus , quem ad modum prima [Note] visa nos pellerent ,
deinde adpetitio ab his pulsa sequeretur , tum ut
sensus ad res percipiendas intenderemus . Mens enim
ipsa , [Note] quae sensuum fons est atque etiam ipsa sensus
est , naturalem vim habet , quam intendit ad ea quibus movetur . itaque alia visa sic arripit ut iis statim
utatur , alia quasi [Note] recondit , e quibus memoria oritur ;
cetera autem similitudinibus construit , ex quibus efficiuntur notitiae rerum , quas Graeci tum ἐννοίας tum
προλήμψεις vocant ; eo cum accessit ratio argumentique
conclusio rerumque innumerabilium multitudo , tum et
perceptio eorum omnium apparet et eadem ratio perfecta is gradibus ad sapientiam pervenit .
ch. 10
30Cicero, Lucullus (XML Header) [genre: prose; philosophy] [word count] [lemma count] [Cic. Luc.]. | ||
<<Cic. Luc. 28 | Cic. Luc. 30 () | >>Cic. Luc. 32 |